بيروت

07-23 05:09:31

انت حره وهيك خلقتي
مثلك موجك مالو قيد
صيفك لاهب ليلك صاخب
حبك واجب لو تقلوقتي
فيكي الليل بيبقى نهار
النجم ببحرك جن وغار
لو شوبتي بنسم جبالك
بورد قلبك عطر الغار
طهرك دايم بس سرقتي
مني حبك بس مرقتي
انت الحب وانت الروح
انت مركز علم الغيب
انت المجد لكلو صروح
وجهك سافر ما في عيب
شو مجنوني بس تكوني
هيك غضبتي من الفجار
بنظرة حقد بتكفي موني
بتحرق طامع تشعل نار
في مرابع لهو وكيف
وفيكي علاج وعز السيف
بعلمك مونتي الاحرار
بمعهد تشريع القانون
لاتخافي ياست الكل
برق ورعد وريح وغيم
شعبك باقي ما بيفل
بيحميكي وما يطالك ضيم
انت الروح وروح الروح
انت البلسم يشفي جروح
انت الام وانت البي
انت الاخت وانت الخي
انت الدره بتاج الشرق
وانت الكنز وهيك خلقتي
انت المونه وانت القوت
وعاشطوطك ما يقرب حوت
انت العز بيقى هون
وانت الحره يابيروت